सुनसरी / इटहरीमा आजबाट सार्वजनिक शौचालय सञ्चालन आएको छ ।
आज बुधबार इटहरी उपमहानगरपालिकाका मेयर हेमकर्ण पौडेलले रिबन काटेर शौचालयको उद्घाटन गरेका हुन् । इटहरी वडा नम्बर ४ पूर्व लाइनस्थित जुटविकास चोकमा बनेको शौचालय सहित इटहरीमा ४ वटा सार्वजनिक शौचालय रहेका छन् ।
इटहरीको मुख्य चौक र उपमहानगरपालिकाको गेट नजिकै नयाँ शौचालय निर्माणाधीन अवस्थामा रहेको पौडेल मेयर बताए । इटहरी चोकका क्षेत्रमा सार्वजनिक शौचालय नहुँदा इटहरीका बासिन्दाले समस्या खेप्दै आउनु परेको थियोे । इटहरी उपमहानगरले भने पछिल्लो समयमा ठाउँठाउँमा शौचालय निर्माण भइरहेको जनाएको छ ।