काठमाडौं – डेढ महिना नहुँदै सरकारबाट बाहिरिएको राष्ट्रिय स्वतन्त्र पार्टीलाई फेरि सरकारमा ल्याउने तयारी भएको छ ।
समर्थन तत्काल नगर्ने तरिकाले सरकारबाट केही दिनअगाडी मात्रै बाहिरिने निर्णय गरेको रवि लामिछाने नेतृत्वको रास्वपालाई सरकारमा ल्याउने गरि तयारी भइरहेको हो ।
प्रचण्डनिकट स्रोतका अनुसार उनलाई पुन गृहमन्त्रालय नै दिने गरी सरकारमा ल्याउने तयारी भइरहेको छ ।
सरकारबाट बाहिरीए पनि समर्थन फिर्ता नलिएका कारण प्रचण्ड सरकार संकटमा भने छैन । त्यस्तै सूचना तथा संचारमन्त्री रेखा शर्माले पनि रास्वपालाई सरकारमा ल्याउने कोशिस भइरहेको जानकारी दिइन् ।
रविलाई सरकारमा ल्याउन राजनीतिक ढंगबाट पहल भइरहेको समेत उनले जानकारी दिएकी छन् ।
रविले गृहमन्त्रालय नपाउने भएपछि सरकार छाडेको कतिपयले विश्लेषण पनि गरेका छन् ।
माओवादीले सरकारमा ल्याउने पहल गरेपनि रविले भने आफूले उपचुनाव नजितेसम्म कुनै पदमा नबस्ने घोषणा गरिसकेका छन् ।
नागरिकता विवादमा मुछिएका रविलाई सर्वोच्चले मन्त्री र सांसद पद नरहने गरेर फैसला गरेको थियो । उनले गत प्रतिनिधिसभा निर्वाचन-२ बाट जितेको ठाउँबाट उपचुनाव भिड्दैछन् ।
