काठमाडौं । कोरोना भाइरसको संक्रमण एक हप्तादेखि उकालो लागेको छ ।
गत असार २६ गते पहिलो पटक १०० भन्दा बढी रहेको संक्रमितको सङ्ख्या आजसम्म आइपुग्दा संक्रमण ४५७ पुगेको छ ।
असार २६ गते १२१ मा संक्रमण र ६७८ सक्रिय संक्रमित रहेकोमा आज सक्रिय संक्रमित एक हजार ७७६ पुगेका छन् । आइतबार साउन १ गते र आज संक्रमणका कारणले एक÷एक संक्रमितको ज्यान गएको छ । संक्रमण असारदेखि उकालो लाग्न थालेको हो ।
असार २७ गते १६८, असार २८ गते १७७, असार २९ गते २०६ असार ३० गते २६०, असार ३१ गते २२९, असार ३२ गते २०५ र साउन १ गते १३५ मा संक्रमण देखिएको छ । शून्य दशमलव पाँच प्रतिशतमा रहेको संक्रमण अहिले ९।८२ प्रतिशत पुगेको छ ।
पाँच सयभन्दा बढी संक्रमित काठमाडौं जिल्लामा रहेका छन् । शून्य संक्रमित हुने जिल्ला पनि घटेर आठ मात्र पुगेको छ ।
