यो साता मेष, वृष, मिथुन, र कर्कट राशिका व्यक्तिहरूको लागि उत्साहजनक रहन्छ। मेष राशिका लागि सफलता प्राप्त गर्ने समय हो, प्रयास गर्दा नयाँ जिम्मेवारी वा नोकरी प्राप्त हुन सक्छ। वृष राशिमा एकपछि अर्को अवसर आउने र साथीभाइको सहयोग मिल्नेछ। मिथुन राशिमा सप्ताहको प्रारम्भमा केही असजिलो भए पनि मंगलवारपछि भाग्यले साथ दिनेछ। कर्कट राशिमा प्रियजनसँग रमाइलो भेटघाट र यात्रा हुन सक्छ, तर स्वास्थ्यमा समस्या देखिनेछ।
सिंह, कन्या, तुला, र वृश्चिक राशिका लागि पनि यो साता फलदायी रहन्छ। सिंह राशिमा प्रतिस्पर्धीहरू पछि हट्नाले उत्साह बढ्नेछ, मिहिनेतले विशेष जिम्मेवारी दिलाउनेछ। कन्या राशिमा प्रारम्भिक प्रयत्न फलदायी रहनेछ, व्यवसायमा फाइदा हुनेछ र मिहिनेतले सफलता दिलाउनेछ। तुला राशिमा केही उपलब्धि हातलागी हुनेछ, तर अरूकाे भरपर्दा काम बिग्रन सक्छ। वृश्चिक राशिमा नयाँ योजनातर्फ अग्रसर भइनेछ, साथीभाइको सहयोगले परिस्थितिमा सुधार ल्याउन सकिनेछ।
धनु, मकर, कुम्भ, र मीन राशिका लागि यो साता मिश्रित फलदायी रहन्छ। धनु राशिमा सुरुको प्रयत्नले फाइदा दिलाउनेछ, विशेष योजना कार्यान्वयन हुनेछ। मकर राशिमा मिहिनेतले नाम, दाम र इनाम दिलाउन सक्छ, परिवारजनको साथ–सहयाेगले थप बल मिल्नेछ। कुम्भ राशिमा अप्रिय समाचारले दुःखी बनाउनेछ, आर्थिक अभाव देखापर्न सक्छ। मीन राशिमा भाग्यले साथ दिनेछ, मेहनतले लक्ष्यमा पुर्याउनेछ र रमाइलाे यात्रा हुनेछ।
मेष – चु, चे, चो, ला, लि, लु, ले, लो, अ: यो साता उत्साहपूर्ण रहनेछ र कर्मले सफलताको उचाइमा पुर्याउन सक्छ। काम देखाएर उपलब्धि हातपार्ने समय छ। प्रयास गर्दा विशेष जिम्मेवारी वा नोकरी प्राप्त हुन सक्छ। विशिष्ट व्यक्तिसँग मित्रता बढ्नेछ र परिश्रमअनुसार राम्रै फल पाइनेछ। आम्दानी बढ्नेछ भने उठ्नुपर्ने रकम हातलागी हुनेछ। तर खर्चिलो काम आँट गर्दा धेरै रकम जुटाउनुपर्नेछ। शुभचिन्तकहरूले साथ दिनेछन्। विदेश जानेहरूले यात्राको प्रक्रिया अघि बढाउन सक्छन्। सप्ताहान्तमा पारिवारिक भेटघाटको आनन्द प्राप्त हुनेछ। यो साता इच्छा र आकांक्षा पूर्ण हुन सक्छ। विपरीत वर्गबाट विशेष सहयोग मिल्ने र शुभ कार्यको योजना बन्नेछ। सामाजिक तथा धार्मिक कार्यमा रुचि बढ्नेछ र नजिकको मित्रसँग भेटघाट हुनेछ। सप्ताहको विशेष दिन शनिबार हो। यो साता फलदायी प्रतिशत: ८५%
वृष – इ, उ, ए, ओ, बा, बि, बु, बे, बो: साता फलदायी रहनेछ र प्रारम्भमा एकपछि अर्को अवसर आउनाले उत्साहित भइनेछ। आफन्त र साथीभाइबाट काममा सहयोग मिल्नेछ। प्रतिष्ठित कामको अवसर प्राप्त हुनेछ र पदासीन व्यक्तिसँग निकटता बढ्नेछ। लगनशीलताले कीर्तिमानी दिलाउन सक्छ। आम्दानीका स्रोतहरू बढ्नेछन् भने मनग्य धन संग्रह हुनेछ। पछिसम्म फाइदा हुने काम सुरु गर्ने अवसर प्राप्त हुनेछ। सप्ताहान्तमा खर्चिलो कामको योजना अघि बढ्नेछ र लगानी जुटाउन ऋण–सापट लिनुपर्ने हुन सक्छ। प्रयत्न गर्दा यात्रा गर्ने अवसर जुट्न सक्छ। यो साता आफन्त र साथीभाइको साथ सहयोग रहनेछ। सप्ताहको विशेष दिन मंगलबार हो। यो साता फलदायी प्रतिशत: ७५%
मिथुन – का, कि, कु, घ, ङ, छ, के, को, ह: सुरुमा रमाइलो भेटघाट भए पनि आफन्तबाट टाढा भइनेछ। उपहारमा पाएकाे वस्तु हराउने वा नष्ट हुने सम्भावना छ र स्वास्थ्य कमजाेर हुनाले यात्रामा समस्या आउन सक्छ। मंगलवारपछि स्थितिमा सुधार आउनेछ र भाग्यले साथ दिनेछ। विशिष्ट व्यक्तिको साथ–सहयाेग पाइनेछ र मिहिनेत गर्दा कर्मयोगले उचाइको मार्ग अवलम्बन गर्नेछ। व्यापार–व्यवसायमा पनि उत्साह बढ्नेछ। सामाजिक प्रतिष्ठा प्राप्त हुनेछ। सप्ताहान्तमा अवरोध पुर्याउनेहरू अग्रसर हुनेछन् र घरायसी समस्या समाजसम्म पुग्न सक्छ। यो सप्ताहमा स्वास्थ्यमा सुधार आउनेछ र राजनीतिक कार्यमा सफलता मिल्नेछ। नयाँ कार्यको अवसर मिल्नेछ र व्यवसायको सन्दर्भमा आदर्श व्यक्तित्व सँगको सहकार्यले नयाँ अनुभव मिल्नेछ। सप्ताहको विशेष दिन मंगलवार हो। यो साता फलदायी प्रतिशत: ७०%
कर्कट – हि, हु, हे, हो, डा, डि, डु, डे, डो: प्रियजनसँग रमाइलो भेट हुनाले साता उत्साहवर्धक रहनेछ। रमाइलो यात्रा पनि हुन सक्छ। पेसा र व्यापारमा फाइदा हुनेछ। मंगलवारदेखि नियमित काममा बाधा पुग्न सक्छ र एउटै काम दोहोर्याएर गर्नुपर्ला। स्वास्थ्य कमजाेर रहनेछ र समस्या दर्साउँदा शुभचिन्तकहरूकाे साथ–सहयाेग प्राप्त हुनेछ। बिहीवारसम्म अरूका लागि समय र धन खर्चनुपरे पनि सप्ताहान्त फलदायी रहनेछ। नयाँ जिम्मेवारी प्राप्त हुने सम्भावना छ र चिताएको काम बन्नेछ। प्रतिष्ठित व्यक्तिहरूसँग सम्पर्क बढ्नेछ। मिहिनेतले उपलब्धि दिलाउनेछ। सप्ताहको विशेष दिन बिहीबार हो। यो साता फलदायी प्रतिशत: ७५%
सिंह – मा, मि, मु, मे, मो, टा, टि, टु, टे: प्रतिस्पर्धीहरू पछि हट्नाले काममा उत्साह जाग्नेछ। व्यापारमा राम्रो आम्दानी हुनेछ। प्रियजनसँग रमाइलो भेटघाट हुनेछ। प्रयत्न गर्दा राम्रै उपलब्धि प्राप्त हुनेछ। रमाइलाे शैक्षिक भ्रमण हुन सक्छ। आतिथ्यपूर्ण सम्मान र स्वादिष्ट भोजनको आनन्द प्राप्त हुनेछ। मंगलवारपछि स्वास्थ्य कमजोर रहनेछ र आम्दानी घट्नेछ। आँटेका काममा बाधा हुनेछ भने अप्ठ्यारो समयमा एक्लो भइनेछ। तापनि मिहिनेतले विशेष जिम्मेवारी दिलाउनेछ र दिगो काम प्रारम्भ हुनेछ। सप्ताहान्तमा विशेष उपलब्धि प्राप्त गर्न सफल भइनेछ। यो साता धर्मकर्म तथा समाजसेवामा मन लाग्नेछ। सप्ताहको विशेष दिन बुधवार हो। यो साता फलदायी प्रतिशत: ८०%
कन्या – टो, प, पि, पु, ष, ण, ठ, पे, पो: प्रारम्भिक प्रयत्न फलदायी रहनेछ। रोकिएका काम बन्नाले आर्थिक पक्ष सबल बन्नेछ। अध्ययनमा रुचि बढ्नुका साथै जेहेन्दार विद्यार्थीहरूको सपना पूरा हुने समय छ। मिहिनेतले सफलताको उचाइमा पुर्याउन सक्छ। व्यवसायमा पनि मनग्य फाइदा हुनेछ। शत्रु र राेगबाट छुटकारा मिल्नेछ। नयाँ काममा हात हाल्ने अवसर जुट्नेछ। अनुभव र पराक्रम देखाएर उपलब्धि हातपार्ने समय छ। सप्ताहान्तमा आफन्तसँग भेटघाट हुनुका साथै आतिथ्यपूर्ण सम्मान प्राप्त हुनेछ। प्रेम र मित्रताकाे बन्धन कसिलाे हुनेछ। यो साता लाभहानी, आयव्यय, सुखदुःख बराबरी खाल कै समय रहेको छ। सप्ताहको विशेष दिन शुक्रवार हो। यो साता फलदायी प्रतिशत: ७०%
तुला – र, रि, रु, रे, रो, ता, ति, तु, ते: प्रारम्भमा केही उपलब्धि हातलागी हुनेछ। तर अरूकाे भरपर्दा काम बिग्रन सक्छ। सहयाेगीहरू टाढिने र प्रतिस्पर्धीहरू जाग्ने सम्भावना छ। आफ्ना कमजाेरीकाे फाइदा अरूले उठाउने चेष्टा गर्नेछन्। तापनि मिहिनेतले काम बन्नेछ, अनुभवले ज्ञान बढ्नेछ र सावधानीले जाेखिम टर्नेछ। अध्ययनमा प्रगति हुनाले सहपाठीहरूलाई पछि पार्न सफल भइनेछ। व्यापार र उद्योगमा फाइदा हुनेछ। रोकिएका काम गर्न सकिनेछ। सप्ताहान्तमा भने केही समस्यासँग जुध्नुपर्ला। ईर्ष्या गर्नेहरू बढ्नेछन् भने काम बिग्रने डरले सताउन सक्छ। सप्ताहको विशेष दिन बुधबार हो। यो साता फलदायी प्रतिशत: ७५%
वृश्चिक – तो, ना, नि, नु, ने, नो, या, यि, यु: पुरानो हिसाबकिताब सुल्झाउन समय लागे पनि नयाँ काम गर्ने बाटाे खुल्नेछ। नयाँ योजनातर्फ अग्रसर भइनेछ। भौतिक साधन जुट्नाले दिगो काम सुरु गर्न सकिनेछ। मंगलवार, बुधवार र बिहीवार सानातिना उल्झन र घरेलु समस्या आउन सक्छन्। तापनि साथीभाइकाे साथ–सहयाेगले परिस्थितिमा सुधार ल्याउन सकिनेछ। धेरै काम सम्पादन हुनेछन्। अध्ययनमा प्रगति हुनेछ। व्यापार र उद्योगमा फाइदा हुनेछ। चुनौती चिर्दै पुरुषार्थी काम सम्पादन गर्न सकिनेछ। स्वास्थ्य सबल रहनेछ। सानै प्रयत्नले लक्ष्यमा पुग्न सफल भइनेछ। सप्ताहको विशेष दिन बिहीबार हो। यो साता फलदायी प्रतिशत: ८०%
धनु – ये, यो, भ, भि, भु, ध, फा, ढ, भे: काममा सुरुको प्रयत्नले साताभरि फाइदा दिलाउनेछ। अध्ययनमा प्रगति हुनेछ। व्यवसायमा फाइदा हुनेछ र मनग्य धनलाभ हुनेछ। आस मारेको काम बन्नाले उत्साह जाग्नेछ। सानो प्रयत्नले ठूलो काम बन्नेछ। एउटै कामबाट दोहोरो लाभ मिल्नेछ। विशेष योजना कार्यान्वयन हुनेछ। मिहिनेतले अवसर दिलाउनेछ। अड्किएका काम पनि सम्पादन हुनेछन्। प्रतिस्पर्धीहरूले हार खानेछन्। बुद्धिले काम लिन सकिनेछ। बिहीवारदेखि सानातिना उल्झन र घरेलु समस्या आउन सक्छन्। सप्ताहको विशेष दिन बिहीबार हो। यो साता फलदायी प्रतिशत: ८५%
मकर – भो, ज, जि, खि, खु, खे, खो, गा, गि: सुरुकाे प्रयत्न फलदायी रहनेछ। उपहार तथा सुविधाका वस्तुहरू जुट्नेछन्। पहिलेका कमजोरीलाई पनि सुधार्ने मौका छ। सहयोगीहरूले राम्रो साथ दिनेछन्। मिहिनेतले नाम, दाम र इनाम दिलाउन सक्छ। आँटले जटिल काम समेत सम्पादन गर्न सकिनेछ। रोकिएको काम बन्नेछ भने आम्दानी बढ्नाले उत्साह जाग्ने
छ। परिवारजनकाे साथ–सहयाेगले थप बल मिल्नेछ। समाजमा आफ्नो स्थान बनाउने अवसर जुट्नेछ। प्रणय सम्बन्ध कसिलाे हुनेछ। सप्ताहको विशेष दिन शुक्रबार हो। यो साता फलदायी प्रतिशत: ८५%
कुम्भ – गु, गे, गो, सा, सि, सु, से, सो, द: सुरूको अप्रिय समाचारले दुःखी बनाउनेछ। निराशा र न्यूनताले काममा ढिलासुस्ती गर्नुपर्नेछ। केही अप्रत्यासित समस्याले अलमल्याउन सक्छ। झिनाेमसिना खर्च बढ्नुका साथै आर्थिक अभाव देखापर्न सक्छ। स्वास्थ्यमा समस्या देखापर्न सक्छ। प्रतिस्पर्धीहरूले कमजोरि पत्ता लगाउनेछन्। परिवारका सदस्यसँग असमझदारी बढ्नेछ। सानो प्रयत्नले प्रतिफल पनि शून्य प्राय: हुनेछ। अध्ययनमा ध्यान नजादा समस्या आउन सक्छ। साथिभाइ र छिमेककाे सहयोगबाट अगाडि बढ्न सकिनेछ। नयाँ ठाउँको यात्रा सफल हुन सक्छ। सप्ताहको विशेष दिन बुधबार हो। यो साता फलदायी प्रतिशत: ६०%
मीन – दि, दु, थ, झ, ञ, दे, दो, च, चि: सुरुको कामले फाइदा दिलाउन सक्छ। भाग्यले साथ दिनेछ र पहिलेका कमजोरीलाई सुधार्दै दाम, इनाम र प्रतिष्ठा कमाउने अवसर जुट्न सक्छ। आकस्मिक धनलाभले मन प्रसन्न रहनेछ। विगतका कर्मको उचित प्रतिफल पाइनेछ। मेहनतले लक्ष्यमा पुर्याउनेछ। कामले नाम र प्रशंसक जुटाउनेछ। धेरैले सहयोगको आशा राख्नेछन्। सानाे वा ठूलै प्रयत्नले फाइदा हुनेछ। रमाइलाे यात्रा हुनेछ। व्यापारमा फाइदा हुनेछ। शुभचिन्तकहरूले काममा साथ दिनेछन्। अप्ठ्यारो परिस्थितिमा पनि काम बनाउन सकिनेछ। सप्ताहको विशेष दिन मंगलबार हो। यो साता फलदायी प्रतिशत: ८५%
