काठमाडौं | बागमती र लुम्बिनी प्रदेशमा नयाँ सरकार गठनको लागि आह्वान गरिएको छ। दुवै प्रदेशका प्रमुखहरूले संविधानको धारा १६८ को उपधारा २ अनुसार नयाँ सरकार गठनको प्रक्रिया सुरु गरेका हुन्।
बागमती प्रदेशमा प्रदेश प्रमुख यादवचन्द्र शर्माले मंगलबार साँझ ५ बजेसम्म सरकार गठनको दाबी पेश गर्न आह्वान गरेका छन्। मुख्यमन्त्री शालिकराम जम्मकट्टेलको राजीनामापछि यो प्रक्रिया सुरु भएको हो। कांग्रेस संसदीय दलका नेता बहादुरसिंह लामाले मुख्यमन्त्रीमा दाबी पेश गर्ने तयारी गरेका छन्, जसलाई नेकपा एमालेको समर्थन रहेको छ।
लुम्बिनी प्रदेशमा प्रदेश प्रमुख अमिक शेरचनले सोमबार अपरान्ह ६:३० बजेसम्म सरकार गठनको दाबी पेश गर्न आह्वान गरेका छन्। यहाँ मुख्यमन्त्री जोखबहादुर महराले राजीनामा दिएपछि नयाँ सरकार गठनको प्रक्रिया सुरु भएको हो। केन्द्रमा कांग्रेस-एमाले बीचको सहमति अनुसार लुम्बिनीमा एमालेका लिला गिरी मुख्यमन्त्री बन्ने सम्भावना रहेको छ।
दुवै प्रदेशमा नयाँ सरकार गठनको प्रक्रिया सुरु भएसँगै राजनीतिक गतिविधिहरू तीव्र बनेका छन्।
