काठमाडौं – प्रतिनिधि सभा सदस्य ठाकुर प्रसाद गैरेले सुन्तलालाई राष्ट्रिय फलको रूपमा घोषणा गर्न प्रस्ताव गरेका छन्। शुक्रबार बसेको प्रतिनिधि सभा बैठकको सुन्य समयमा बोल्दै उनले नेपालको भूगोल र जलवायु सुन्तला खेतीका लागि उपयुक्त रहेको बताएका हुन्।
गैरेका अनुसार, सुन्तला खान स्वास्थ्यका लागि पनि लाभदायक छ। उनले सरकारसँग सुन्तलालाई राष्ट्रिय फल घोषणा गरी यसको विकासका लागि बजेटको व्यवस्था गर्न माग गरेका छन्।
गत आर्थिक वर्षमा मात्र नेपालबाट ३० अर्ब ६१ करोड रुपैयाँ बराबरको सुन्तला निर्यात भएको र यसबाट ७\
लाख मानिसले रोजगारी पाएको उनको दाबी छ। साथै, अन्नबाली भन्दा सुन्तलाबाट किसानले औसतमा ७ प्रतिशतले बढी आम्दानी गर्ने गरेको पनि उनले बताए।
प्राचीन समयदेखि नै चासोमा सुन्तला
नेपाली समाजमा सुन्तलालाई प्राचीन समयदेखि नै चासोका साथ हेरिएको पाइन्छ। हालसम्म प्रकाशित विभिन्न सामग्रीहरूमा सुन्तलाको महत्त्वका बारेमा उल्लेख गरिएको छ।
नेपालमा सन् १९९९ मा पहिलोपटक सुन्तलाको विषयमा एउटा पुस्तक प्रकाशित भएको थियो। त्यसयता विभिन्न सरकारी तथा गैर सरकारी निकायहरूले सुन्तलासम्बन्धी अध्ययन तथा प्रचारप्रसार गर्दै आएका छन्। सरकारी तथ्यांक अनुसार नेपालका ७ वटै प्रदेशमा सुन्तला खेती हुने गरेको छ।
विज्ञहरूका अनुसार, पहाडी क्षेत्रको बाँझो जमिनमा सुन्तला लगायतका फलफूल खेती गर्न सकिन्छ, जसबाट उक्त क्षेत्रको बाँझोपन हटाउन मद्दत पुग्नेछ। यस्तै, नेपालमा ८१ वटा खाद्यान्नमा मान्यता प्राप्त फलफूल पाइन्छन् भने ६० भन्दा बढीको व्यावसायिक खेती हुने गरेको छ।
